Pisortaqarfinni atorfillit pillugit kisitsisit atorlugit nassuiaasiornermi killigititat

Piffissamik naatsorsuinermi atorneqarpoq, piffissaq suliffigisaq akissarsiviusussaq, akerlianik akissarsiap tunniunneqarneranut piffissap naatsorsornera ilaanngilaq. 

 

·         Suliffeqarfiit imminut ingerlattut ilanngunneqanngillat (Ingerlatsiviit pisortaqarfinnit aningaasaliiffigineqartartut).

·         Kalaallit Nunaata avataani pisortaqarfinni atorfillit ilanngunneqanngillat, aamma danskit naalagaaffianni atorfillit ilanngunneqaratik.

·         Pisortaqarfinni allatigut nuussinerit akissarsiaanatillu/kajumissaataanngitsut ilanngunneqanngillat. (Soraarnerussutisiat assigissaallu ilaanngillat).

·         Pisartakkat kajumissaatillu ilaanngillat, qaammammusiaqarluni akunnermusiaqarluniluunniit atorfeqarnermut atassuteqanngippata. (Ataasiarluni tapisineq, siulersuisutut kajumissaatisiat, qatserisartutut pisartakkat, kommunalbestyrelsemi ilaasortaanermi pisartakkat, kingornatigoortumik pisartakkat assigisaallu ilaanngillat).

·         Politikeritut pisartakkat akunnermusiani aalajangersimasuni akissarsiatut isigisaanngillat. Politikerit taamaallaat ilanngutaapput pisortaqarfinni suliffimmi allami akissarsiaqartuugunik, piffissami suliffigisimasaniinnaq. 

·         Atorfillit 1 time ataallugu sulisimasut ilanngunneqanngillat. Taamatuttaaq atorfillit 1 kr. inorlugu akissarsiallit ilanngunneqaratik. 

·         Atorfillit, namminersorlutik sulisut, taamatullu kiffartuussinermut aningaasanik pissarsisimasut, ilaanngillat, assersuutigalugu imitsilluni nutsigassanik suliaqartartoq.